[វីដេអូ] Ep.2 # ជំងឺដុះសាច់បំពង់ក

គេបែងចែកជម្ងឺដុះសាច់បំពង់កជា ៤ប្រភេទគឺ

១ នៅខាងក្រោយច្រមុះ តែស្ថិតនៅអមសងខាងហៅថា Adenoid

២ Tubal Tonsil

៣ សាច់ដែលយើងតែងតែឃើញនៅក្នុងមាត់គេហៅថា Palatine Tonsil

៤ ម៉ូលេគុលកណ្តាលហៅថា Lingual Tonsil

+ផលប៉ះពាល់នៃជម្ងឺដុះសាច់បំពង់ក

១ ធ្វើឲ្យពិបាកក្នុងការដកដង្ហើម ខ្សោយអុកស៊ីសែន

២ គេង​នៅពេលយប់ស្រមុក

៣ បែកញើស

៤ កន្ត្រាក់ដៃជើង

៥ ខ្សោយការចងចាំ ឆាប់ភ្លេចភ្លាំង រៀនសូត្រមិនបានល្អ

៦ ងាយនឹងមានការរលាកច្រមុះ បំពង់ករុំារ៉ៃ ។

 +វិធីសាស្រ្តក្នុងការថែទាំ

ប្រសិនបើអ្នក ឬកូនរបស់អ្នកមានអាការ:ដូចបានរៀបរាប់ខាងលើដូចជា ពិបាកដកដង្ហើម ឬក៏ឈឺបំពង់ករុំារ៉ៃ អ្នកគួរតែទៅមន្ទីរពេទ្យដើម្បីឲ្យគ្រូពេទ្យឯកទេសពិនិត្យមើលនិងតាមដានរោគសញ្ញា​ដើម្បីព្យាបាលទាន់ពេលដោយប្រើឱសថ។

ផ្ទុយទៅវិញប្រសិនបើអ្នកមិនប្រញាប់បញ្ជូនកូនទៅកាន់មន្ទីរពេទ្យឲ្យបានទាន់ពេលវេលាទេ នោះរោគសញ្ញានឹងកើតឡើងជាជម្ងឺរុំារ៉ៃ ដុះសាច់ធំ ដែលជាហេតុត្រូវធ្វើការវះកាត់ដើម្បីកោសយកសាច់ដុះចេញ។

+ចំពោះលក្ខខណ្ឌដែលត្រូវវះកាត់សាច់ដុះបំពង់ក

១ លក្ខខណ្ឌសាច់បំពង់កដុះឡើងធំពេកដែលធ្វើឲ្យកង្វះអុកស៊ីសែន ពិបាកដដង្ហើម

២ នៅពេលអ្នកជម្ងឺមានការឈឺលើសពី ៣ដងក្នុងរយ:ពេល ១ឆ្នាំ ឬលើសពី ៥ដងក្នុងរយ:ពេល ២ឆ្នាំ ដោយសារតែវាអាចបង្កជាពពួកបាត់តេរីម្យ៉ាងដែលអាចធ្វើឲ្យប៉ះពាល់ទៅដល់បេះដូង ជង្គង់ និង​ តម្រង់នោម។

៣​ បន្ទាប់ពីការព្យាបាលអាប់សែរយ:ពេល ៣​ខែ គ្រូពេទ្យនិងណែនាំអ្នកជម្ងឺឲ្យធ្វើការវះកាត់ចេញ ពីព្រោះខ្លាចមានការដុះរើលឡើងវិញ។បន្ថែមពីនេះក៏មានករណីខ្លះទៀតអាចកើតឡើងទៅលើអ្នកជម្ងឺដែលមានអាការ:ដូចជា ក្លិនមាត់មិនល្អ ឬ ក៏ឧស្សាដេកស្រមុកខ្លាំង និងអ្នកជម្ងឺធាត់ខ្លាំងផងដែរ។

+ចំណីអាហារ

ចំពោះចំណីអាហារដែលធ្វើឲ្យមានជម្ងឺដុះសាច់បំង់កមានដូចជា  ញុំាអាហារផ្អាប់ ញុំាផ្អែមពេក ផឹកទឹកកក ជក់បារី ផឹកស្រា ដាក់កង្ហារ ឬម៉ាស៊ីនត្រជាក់ចំមុខពេក និង ការផ្តាសាយរុំារ៉ៃជាដើម។

ដើម្បីការបន្ថយ អាណាព្យាបាលត្រូវមានការប្រុងប្រយ័ត្នកុំឲ្យកូនញុំាផ្អែមពេក ផឹកទឹកកកញឹកញាប់ពេក ត្រូវពិនិត្យមើលចំណីអាហារដែលត្រូវឲ្យកូនញុំា។

សូមបញ្ជាក់ផងដែរថា ជម្ងឺនេះច្រើនតែកើតនៅវ័យក្មេងតែបុ៉ណ្ណោះ នៅចន្លោះអាយុពី ៣ ទៅ ៦​ឆ្នាំ រីឯមនុស្សធំវិញក៏កើតឡើងដែរ តែមានចំនួនតិចជាងនៅវ័យក្មេងទេ៕

សូមទស្សនាវីដេអូដូចខាងក្រោម៖

ប្រភព: លោកវេជ្ជបណ្ឌិត: ពិន វណ្ណលី