ជួយសង្គ្រោះជីវិតកុមារកម្ពុជាតាមរយៈព្រឹត្តិការណ៍ «ជិះកង់ដើម្បីបរិស្ថាន និង សុខភាពកុមារ» ឆ្នាំទី១១ ជាមួយមន្ទីរពេទ្យកុមារអង្គរ

 រៀងរាល់ឆ្នាំក្នុងខែសីហា សប្បុរសជនទូទាំងប្រទេសតែងនឹកឃើញអំពីព្រឹត្តិការណ៍ជិះកង់របស់មន្ទីរពេទ្យកុមារអង្គរ ដែលចាប់ផ្ដើមតាំងពីឆ្នាំ ២០១៤ នោះគឺ ព្រឹត្តិការណ៍ «ជិះកង់ដើម្បីបរិស្ថាន និងសុខភាពកុមារ» ព្រឹត្តិការណ៍នេះបានចាប់ផ្ដើមដោយសហការជាមួយគណៈកម្មាធិការជិះកង់ដើម្បីកម្ពុជា ដើម្បីរៃអង្គាសថវិកាជួយដល់សេវាថែទាំ និងព្យាបាលកុមារនៅមន្ទីរពេទ្យកុមារអង្គរ​ ដែលនៅក្នុងឆ្នាំ២០២៤បានព្យាបាលសង្គ្រោះអាយុជីវិតកុមារប្រមាណ១២ម៉ឺនករណី។ សម្រាប់ឆ្នាំ ២០២៥ ព្រឹត្តិការណ៍សប្បុរសធម៌ដ៏ពេញនិយម "ជិះកង់ដើម្បីបរិស្ថាន និងសុខភាពកុមារ" នឹងប្រារព្ធឡើងជាឆ្នាំទី១១ នៅក្នុងថ្ងៃអាទិត្យ ទី៣១ ខែសីហា ចាប់ពីម៉ោង៦ព្រឹក ដល់ម៉ោង១រសៀលដោយគ្រោងមានអ្នកចូលរួមប្រហែល ៨០០នាក់។

ព្រឹត្តិការណ៍នឹងចាប់ផ្តើមនៅ សួនហាត់ប្រាណរាជដំណាក់ (មាត់ស្ទឹង) ជិះតាមផ្លូវព្រះសីហនុទៅកាន់ប្រាសាទអង្គរវត្ត ដើម្បីឈប់សម្រាកថតរូប។ អ្នកជិះកង់នឹងបន្តដំណើរ​ឆ្លងកាត់ទីតាំងដូចជា ក្លោងទ្វារទន្លេរអុំ ប្រាសាទជ្រុង ក្លោងទ្វារតាកាវ ប្រសាទបាយ័ន លានជល់ដំរី ប្រាសាទកែវ តាព្រហ្ម ប្រាសាទបន្ទាយក្តី ហើយបញ្ចប់នៅសាលាបឋមសិក្សាក្រវ៉ាន់។

ការចុះឈ្មោះចូលរួម៖ ចាប់ផ្ដើមពីថ្ងៃទី ១០ ខែកក្កដា ដល់ថ្ងៃទី ១៧ ខែសីហា ២០២៥ តាមរយៈលីង
ចុះឈ្មោះជាក្រុមតាមតំណភ្ជាប់៖

ពាក្យចុះឈ្មោះជិះកង់សម្រាប់អ្នកចូលរួមជាក្រុម / Group Registration Form

->ចុះឈ្មោះម្នាក់ឯងតាមតំណភ្ជាប់៖

ពាក្យចុះឈ្មោះជិះកង់សម្រាប់បុគ្គល / Individual Registration Form

តម្លៃចូលរួម៖

• • $20 (មិនមានកង់ជូន)
  • $25 (រួមជាមួយកង់សម្រាប់ជិះ)
• អ្នកចូលរួមនឹងទទួលបាន៖ អាវយឺតព្រឹត្តិការណ៍ អាហារសម្រន់ ភេសជ្ជៈ និងទឹកសុទ្ធវីតាល់ កម្មវិធី
  កសាងសមត្ថភាពក្រុម វគ្គបង្រៀនសង្គ្រោះបឋម ផ្សារប្រឌិត និងឱកាសបង្កើនទំនាក់ទំនងថ្មីៗ។

ព្រឹត្តិការណ៍ជិះកង់នេះទទួលបានការឧបត្ថម្ភធំពីក្រុមហ៊ុន One Fraternity ដែលមានផលិតផល មីជាតិ និង ទឹកពិសារគុណភាពខ្ពស់វីតាល់។

មន្ទីរពេទ្យកុមារអង្គរពិតជាមានការដឹងគុណយ៉ាងជ្រាលជ្រៅ ចំពោះការប្តេជ្ញាចិត្តនិងការលះបង់ របស់ក្រុមហ៊ុន One Fraternity ព្រមទាំងក្រុមហ៊ុនសហការណ៍ឧបត្ថម្ភផ្សេងៗទៀត ដែលបានគាំទ្រជាប់ជារៀងរាល់ឆ្នាំ។

មន្ទីរពេទ្យកុមារអង្គរ និង តំណាងក្រុមហ៊ុនឧបត្ថម្ភនានា សូមអំពាវនាវ អោយសាធារណៈជន ចូលរួមក្នុងព្រឹត្តិការណ៍ “ជិះកង់ដើម្បីបរិស្ថាន និងសុខភាពកុមារ ឆ្នាំទី១១” អោយបានច្រើនកុះករដើម្បីបង្ហាញពីស្មារតីសប្បុរស និង ចូល​រួមចំណែកនៅក្នុងការអភិវឌ្ឍ និងធ្វើឲ្យប្រសើរឡើងនូវសុខុមាលភាពកុមារ​ដែលកំពុង សម្រាកព្យាបាលនៅគ្រប់ ផ្នែកទាំងអស់របស់មន្ទីរពេទ្យ។ ។

ព័ត៌មានបន្ថែម និងការចុះឈ្មោះ
សូមទំនាក់ទំនង៖

• ទូរស័ព្ទ៖ 017 / 098 725 745
• គេហទំព័រ ហ្វេសប៊ុក៖ Angkor Hospital for Children | Cycling for Cambodia – CFC

អំពីមន្ទីរពេទ្យកុមារអង្គរ

មន្ទីរពេទ្យកុមារអង្គរគឺជាអង្គភាពមិនស្វែងរកប្រាក់ចំណេញ ដែលផ្តល់សេវាថែទាំសុខ​ភាពកុមារឈានមុខមួយប្រកបដោយគុណភាពខ្ពស់ ក្តីមេត្តាករុណា និងមិនគិតកម្រៃសម្រាប់អ្នកគ្មានលទ្ធភាព មានទីតាំងស្ថិតនៅក្នុងខេត្តសៀមរាប ប្រទេសកម្ពុជា។

ចាប់តាំងពីឆ្នាំ១៩៩៩មក មន្ទីរពេទ្យកុមារអង្គរបានជួយសង្គ្រោះជីវិតកុមារជិត៣លាននាក់ និងផ្តល់នូវសេវាថែទាំសុខភាពដែលពួកគេត្រូវការ។

មន្ទីរពេទ្យចំណាយថវិកាប្រចាំឆ្នាំប្រហែល ៦លានដុល្លារ ដើម្បីផ្តល់សេវាដល់កុមារ។

សម្រាប់ព័ត៌មានបន្ថែម៖
ទូរស័ព្ទ៖ 098 725 745 / 017 725 745 (Telegram)

អុីម៉ែល៖ [email protected]