[វីដេអូ] Ep.21 # តើអ្នកត្រូវយល់ដឹងអ្វីខ្លះអំពីសុវត្ថិភាពនិងការស្តុកទុកអាហារ?

ដូនេះអាហារដែលរក្សាទុកមិនបានត្រឹមត្រូវប្រាកដ៏ជាបង្កគ្រោះថ្នាក់ដ៏សុខភាព។

បាក់តេរីពុលក្នុងអាហារអាចលូតលាស់យ៉ាងលឿនបំផុតនៅក្នុងសីតុណ្ហភាពចន្លោះពី ៥ អង្សាសេទៅ ៦០ អង្សាសេ។

បាក់តេរីពុលអាហារអាចលូតលាស់ទៅលើប្រភេទអាហារមួយចំនួនងាយជាងប្រភេទដទៃទៀតមានដូចជា អាហារឆៅ គ្រឿងសមុទ្រជាដើម។

ដូចនេះវាជារឿងចាំបាច់ក្នុងការរក្សាចំណីអាហារកុំឲ្យមានហានិភ័យខ្ពស់នៃបាត់តេរីទាំងនេះមានដូចជា

១ ទុកម្ហូបក្នុងទូរទឹកកក

នៅក្នុងសីតុណ្ហភាពក្នុងទូរទឹកកកគួរតែនៅចន្លោះ ៥ អង្សាសេឬទាបជាងនេះ។ សីតុណ្ហាភាពកកគួរតែទាបជាង -15 អង្សាសេ។ អ្នកអាចប្រើទែម៉ូម៉ែត្រដើម្បីពិនិត្យសីតុណ្ហភាពនៅក្នុងទូរទឹកកករបស់អ្នក។

២​ កកម្ហូបដោយសុវត្ថិភាព

នៅពេលទិញទំនិញពីផ្សាទំនើបសូមទិញម្ហូបក្លាសេនៅមុនមួយថ្ងៃនៃដំណើរកម្សាន្តរបស់អ្នក ហើយយកវាទៅទុកក្នុងទូទឹកកកឱ្យបានលឿនតាមដែលអាចធ្វើទៅបាន។សូមព្យាយាមយកកាបូបទឹកកកដែលមានអ៊ីសូឡង់ត្រជាក់ដើម្បីរក្សាអាហារក្លាសេឱ្យត្រជាក់។ សូមរក្សាអាហារក្តៅនិងត្រជាក់ឱ្យនៅដាច់ដោយឡែកពីគ្នា។

៣ រក្សាទុកម្ហូបដែលចម្អិនរួចឲ្យមានសុវត្ថិភាព

នៅពេលអ្នកចំអិនម្ហូបហើយចង់ធ្វើឱ្យវាត្រជាក់គឺ៖

+អ្នកអាចដាក់ម្ហូបក្តៅ ចូលទៅក្នុងចានដែលមានទំហំតូចល្មម ងាយស្រួលធ្វើឲ្យម្ហូបត្រជាក់នោះនៅពេលដាក់ទូរទឹកកកងាយត្រជាក់បានលឿន។

+កុំដាក់អាហារក្តៅចូលទៅក្នុងទូរទឹកកក រង់ចាំបាត់ចំហាយចាំដាក់វានៅក្នុងទូរទឹកកក។

៤ ប្រសិនបើមានការសង្ស័យសូមបោះចោល

សូមបោះចោលអាហារដែលមានហានិភ័យខ្ពស់ទុកក្នុងសីតុណ្ហភាពច្រើនជាង ៤ម៉ោងមិនត្រូវទុកក្នុងទូរទឹកកកហើយកុំទុកវានៅពេលក្រោយ។ សូមពិនិត្យកាលបរិច្ឆេទប្រើប្រាស់តាមកាលបរិច្ឆេទផលិតផល និងបោះចោលអាហារហួសកាលបរិច្ឆេទ។

៥ ទុកអាហារឆៅឲ្យនៅដាច់ដោយឡែកពីអាហារឆ្អិន

អាហារឆៅនិងអាហារឆ្អិនគួរតែត្រូវបានទុកឲ្យនៅដាច់ដោយឡែកនៅក្នុងទូរទឹកកក។ បាក់តេរីពីអាហារឆៅអាចបំពុលអាហារឆ្អិនហើយធ្វើឲ្យមានគ្រោះថ្នាក់ប្រសិនបើអាហារមិនឆ្អិនល្អ។សូមរក្សាអាហារឆៅនៅខាងក្រោមអាហារឆ្អិនដើម្បីចៀសវាងជាតិ សាច់ស្រកចូលក្នុងអាហារដែលឆ្អិន។

៦ ជ្រើសរើសធុង ឬប្រអប់ស្តុកចំណីអាហារដែលមិនមានជាតិពុល

សូមគ្រប គំរបបិទឲ្យជិត ត្រូវប្រាកដថាធុងស្តុកចំណីអាហាររបស់អ្នកស្អាត ហើយប្រើសម្រាប់ទុកតែអាហារប៉ុណ្ណោះ៕

សូមទស្សនាវីដេអូដូចខាងក្រោម៖

ប្រភព: betterhealth ដោយ: ជា បញ្ញា