[វីដេអូ] Ep.62 ប្រធានបទ៖ ជំងឺភ្នែកក្រហម

តើមានមូលហេតុអ្វីបណ្តាលឲ្យកើតជំងឺភ្នែកក្រហម? ហើយការព្យាបាលដោយរបៀបណា? ជំងឺភ្នែកក្រហមបង្កឡើងពីវីរុស បាត់តេរី និងសារធាតុគីមីផ្សេងៗ ដែលយើងតែងតែធ្លាប់បានប៉ះពាល់ជារៀងរាល់ថ្ងៃ។

តុលា 25, 2021 02:57 1818

រោគសញ្ញា

ចំពោះរោគសញ្ញាភ្នែកក្រហមនេះមានដូចជា៖

ការហូរទឹកភ្នែក
ការឡើងភ្នែកក្រហម
ការមានពកភ្នែក
ការរកាំភ្នែក រមាស់ភ្នែក
មានការចាញ់ពន្លឺ
ហើមត្របកភ្នែកជាដើម។

កត្តាប្រឈម

ប្រសិនអ្នកជំងឺមានបញ្ហាភ្នែកក្រហមហើយ ប៉ុន្តែគាត់មិនបានទៅព្យាបាលគាត់អាចនឹងប្រឈម និងការរីករាលដាល ឬចម្លងទៅអ្នកដទៃ។ ជាពិសេសទៅដល់កុមារតូចៗ ឬក្រុមគ្រួសារផងដែរ។

របៀបក្នុងការបង្ការ

ការការពារកុំឲ្យកើតជំងឺក្រហមគឺត្រូវរក្សាអនាម័យ ការលាងឲ្យបានស្អាតមុននិងប៉ះពាល់ភ្នែក ឬរបស់ផ្សេងៗ។ សំរាប់អ្នកដែរពាក់ Lens ភ្នែកគួរសំអាតឲ្យបានស្អាតមុននិងយកទៅពាក់ចូលភ្នែកជៀសវាងការឆ្លងមេរោគ។ សំរាប់ថ្នាំបន្តក់ភ្នែកគួរតែជ្រើសរើសនូវថ្នាំណាដែរត្រូវជាមួយនិងភ្នែកនិងមានវេជ្ជបញ្ជាពីគ្រូពេទ្យឲ្យបានត្រឹមត្រូវ។

វិធីព្យាបាល

សំរាប់ជំងឺភ្នែកឆ្លង គួរប្រើជាប្រភេទថ្នាំផ្សះ ដើម្បីសំរួលដល់រោគសញ្ញារំខាន អ្នកអាចប្រើបានពី 1-2អាទិត្យគឺមានសភាពធូរស្រាលបាន។ ប៉ុន្តែគួរតែមកកាន់មន្ទីរពេទ្យ ឬគ្លីនិក ដើម្បីទទួលបានការប្រឹក្សា និងការព្យាបាលត្រឹមត្រូវរបស់គ្រូពេទ្យដើម្បីកុំឲ្យភ្នែកវិវត្តទៅជាជំងឺធ្ងន់ធ្ងរ។

សារដ៏មានសារ:ប្រយោជន៏

ចំពោះអ្នកមានជំងឺភ្នែកក្រហមគួររក្សាអនាម័យឲ្យបានស្អាត ជៀសវាងការចម្លងទៅកាន់អ្នកជុំវិញខ្លួន។ ហើយក៏ត្រូវទៅជួបជាមួយគ្រូពេទ្យដើម្បីពិនិត្យ និង ពិគ្រោះយោបល់ឲ្យបានត្រឹមត្រូវហើយច្បាស់លាស់៕

សូមទស្សនាវីដេអូខាងក្រោម: