[វីដេអូ] Ep.26 # តើអ្វីទៅដែលអាចធ្វើអោយធ្មេញរបស់អ្នកឆាប់ខូច?

ជារៀងរាល់ថ្ងៃមនុស្សតែងតែញុំាអាហារជាប្រចាំ អាហាររឺភេសជ្ជ:មួយចំនួនអាចធ្វើឲ្យធ្មេញរបស់អ្នក ស្រអាប់ ពណ៌ខ្មៅ និងឆាប់ខូច ដោយសារតែនៅក្នុងអាហាររឺភេសជ្ជ:នោះផ្ទុកជាតិអាស៊ីតខ្ពស់។

មករា 4, 2021 04:44 2959

[វីដេអូ] Ep.26 # តើអ្វីទៅដែលអាចធ្វើអោយធ្មេញរបស់អ្នកឆាប់ខូច?

ដូចនេះយើងសូមចែករំលែកនៅអាហាររឺភេសជ្ជ:មួយចំនួនដែលធ្វើឲ្យធ្មេញរបស់អ្នកខូចមានដូចជា:

១ ស្រាក្រហម

បាក់តេរីដែលមាននៅក្នុងមាត់ បានមកពីស្រាក្រហមផ្ទុកជាតិអាស៊ីតខ្ពស់អាចបំផ្លាញធ្មេញរបស់អ្នកធ្វើឲ្យធ្មេញពុកផុយ ប្រហោង រឺមើលទៅពណ៌លឿងជាដើម។

២ កាហ្វេ

ការញុំាកាហ្វេជារៀងរាល់ថ្ងៃអាចធ្វើឲ្យធ្មេញរបស់អ្នកស្រអាប់ប្រែពណ៌។កាហ្វេមានផ្ទុកសារធាតុ tannins ដែលជាសមាសធាតុគីមីមួយប្រភេទហៅថាប៉ូលីហ្វេណុលដែលអាចបណ្តាលឱ្យសមាសធាតុពណ៌ជាប់នឹងធ្មេញ។

៣ តែ

តែមានផ្ទុកជាតិ tannins ដែលអាចធ្វើអោយធ្មេញប្រែពណ៌បាន ប៉ុន្តែវាស្ថិតនៅក្នុងកំរិតទាបជាងកាហ្វេ។

នៅឆ្នាំ ២០១៤ ការសិក្សាមួយបានរកឃើញថាការបន្ថែមទឹកដោះគោ ២% លាយជាមួយតែអាចកាត់បន្ថយជាតិពណ៌ដែលជាប់នឹងធ្មេញបាន។

៤ ភេសជ្ជៈប៉ូវកំលាំង

យោងតាមប្រភពស្រាវជ្រាវឆ្នាំ ២០១២ មួយបានឱ្យដឹងថាភេសជ្ជៈប៉ូវកម្លាំង ក៏អាចបំផ្លាញធ្មេញបានផងដែរ ដោយសារតែភេសជ្ជ:ប៉ូវកម្លាំងផ្ទុកជាតិស្ករ និងជាតិអាស៊ីតខ្ពស់។

៥ ជាតិផ្អែម

ជាតិផ្អែម មានដូចជានៅក្នុងស្ករគ្រាប់ សូកូឡា អាចបណ្តាលឲ្យធ្មេញខ្មៅ ពុកមានដង្កូវស៊ី និងងាយនឹងបាក់យ៉ាងឆាប់រហ័ស។

៦ ផលិតផលថ្នាំជក់

ការទំពារថ្នាំជក់ រឺជក់បារីក៏អាចធ្វើឲ្យធ្មេញប្រែពណ៌បានផងដែរ ពីព្រោះផលិតផលថ្នាំជក់ទាំងនោះផ្ទុកជាតិនីកូទីនដែលគ្មានពណ៌ប៉ុន្តែធ្វើឱ្យធ្មេញពណ៌លឿងនៅក្នុងវត្តមាននៃអុកស៊ីសែន។

ដូចនេះអ្នកគូរកាត់បន្ថយអាហារនិងភេសជ្ជ:ដែលធ្វើឲ្យធ្មេញឆាប់ប្រែពណ៌ ខូច អ្នកគួរដុសធ្មេញ ឬប្រើទឹកខ្ពុលមាត់បន្ទាប់ពីញុំាអាហាររួច និងទៅជួបទន្តពេទ្យជារៀងរាល់៦ខែម្តង៕

សូមទស្សនាវីដេអូដូចខាងក្រោម៖