[វីដេអូ] # Ep.63 អាហារទាំង ៦យ៉ាងល្អសំរាប់ស្រ្តីដែលសំរាលកូនរួច

បន្ទាប់ពីសម្រាលកូនរួច អ្នកត្រូវការកំលាំងថាមពលត្រលប់មកវិញតាមរយ:ការគេងឲ្យបានគ្រប់គ្រាន់ ញុំាអាហារណាដែលល្អសំរាប់សុខភាពដើម្បីឲ្យរាងកាយមានកំលាំងនិងមានទឹកដោះសំរាប់បំបៅកូន។

ដូចនេះយើងសូមចែករំលែកនូវអាហារទាំង៦យ៉ាងដែលល្អសំរាប់ស្រ្តីដែលសំរាលបុត្ររួចមានដូចជា

១ ស៊ុប​មាន់

ចំពោះស្រ្តីដែលបំបៅដោះកូនគឺត្រូវការសារធាតុចិញ្ចឹមជាច្រើនដើម្បីបំពេញបន្ថែមនៅសារធាតុដែលបាត់បង់ក្រោយពេលបំបៅដោះកូន ជាក់ស្តែងស៊ុបមាន់មិនត្រឹមតែមានរសជាតិឆ្ងាញ់ប៉ុណ្ណោះទេថែមទាំងជាអាហារដ៏មានសារ:ប្រយោជន៍ជាប្រភពដ៏ល្អនៃសារធាតុរាវនិងអេឡិចត្រូលីតដែលចាំបាច់សម្រាប់ការផ្តល់ជាតិទឹកចំពោះរាងកាយ។ស៊ុបមាន់ជាប្រភពនៃវីតាមីន ជាតិរ៉ែ សំបូរកាឡូរីនិងប្រូតេអ៊ីន។ បន្ថែមពីនេះស៊ុបមាន់ផ្តល់នូវសារធាតុចិញ្ចឹមសំរាប់រាងកាយរបស់អ្នកដែលត្រូវការក្នុងបរិមាណច្រើននៅពេលអ្នកឈឺ ឬពេលបាត់បង់កំលាំង។

អត្ថប្រយោជន៍បន្ថែមពីនេះស៊ុបមាន់ក៏ជាថ្នាំបំប៉ន និងអាចរារាំងកោសិកាដែលបណ្តាលឱ្យក្អកនិងហៀរសំបោរបានផងដែរ។

២ នំ

ញុំានំដែលមានជាតិប្រៃបន្តិចបន្តួច ជាអាហារសម្រន់ដែលផ្តល់នូវកាបូអ៊ីដ្រាតនិងអេឡិចត្រូលីតដើម្បីជួយអ្នកបង្កើតថាមពល ។ បន្ថែមពីនេះនំប្រៃក៏អាចជួយកាត់បន្ថយការចង្អោរក្នុងអំឡុងពេលមានផ្ទៃពោះបានផងដែរ។

៣ សាច់ងៀត

សាច់ងៀតជួយផ្តល់ថាមពល ជួយទៅដល់ស្រ្តីដែលកង្វះជាតិដែក ដោយផ្ទុកជាតិដែក ២.២មីលីក្រាម សូដ្យូម ប្រូតេអ៊ីននិងសារធាតុផ្សេងៗទៀត។​ បន្ថែមពីនេះសាច់ងៀតក៏ជួយកាត់បន្ថយការស្លេកស្លាំង និងមានសារធាតុចិញ្ចឹមជាច្រើនសំរាប់ស្រ្តីដែលកំពុងបំបៅដោះកូន។

៤​ ស៊ុត

ស៊ុត ជា​អាហារ​សាមញ្ញ​និង​ងាយ​ស្រួល​​ក្នុង​ការ​ចំអិន​​ និង​ទទួល​ទាន។ស៊ុតផ្តល់​គុណ​ប្រយោជន៍​ច្រើនណាស់​ដល់​សុខភាព ព្រោះស៊ុតផ្ទុក​ទៅ​ដោយ​ សារធាតុ​លីពីត និង​ប្រូតេអ៊ីន។ ស៊ុតសំបូរ​ទៅ​ដោយ​វីតាមីន (A, B2, B5, B8, B12, D, E)​ និង​រ៉ែ​ ដូច​ជា​រ៉ែ​ដែក រ៉ែ​ហ្វូស្វ័រ និង​អ៊ីយ៉ូត។ ស៊ុតគឺជាប្រភពដ៏សំខាន់នៃប្រូតេអ៊ីនដើម្បីជួយបន្ធូរសាច់ដុំដែលឈឺក្រោយពេលសម្រាលកូន។

៥ ញ៉ាំបន្លែផ្លែឈើ

បន្លែផ្លែឈើសំបូរទៅដោយវីតាមីននិងសារធាតុរ៉ែដែលធ្វើឱ្យអ្នកមានសុខភាពល្អ។ បន្លែផ្លែឈើមានផ្ទុកជាតិសរសៃដែលជួយការពារការទល់លាមក។ត្រូវប្រាកដថាលាងបន្លែនិងផ្លែឈើឲ្យបានស្អាតមុនពេលទទួលទាន ឬយកទៅធ្វើម្ហូប។

៦ គ្រាប់ធញ្ញជាតិ

គ្រាប់ធញ្ញជាតិសំបូរប្រូតេអ៊ីន ដូច្នេះវាជាអាហារសម្រន់ដ៏អស្ចារ្យដែលជួយបង្កើនថាមពលបន្ថែម។គ្រាប់ធញ្ញជាតិមានសារៈសំខាន់ចំពោះសរីរាង្គនិងការអភិវឌ្ឍខួរក្បាលរបស់កូនអ្នក ជួយទៅដល់ការរំលាយអាហារនិងការផលិតទឹកដោះរបស់អ្នក។

ជារួមអ្នកគួរទទួលទានអាហារណាដែលល្អសំរាប់សុខភាព គេងឲ្យបានគ្រប់គ្រាន់ ហាត់ប្រាណជាប្រចាំ ជៀសវាងការទទួលទានគ្រឿងស្រវឹង ជាតិការហ្វេអ៊ីនព្រោះវាធ្វើឲ្យប៉ះពាល់ដល់ការចាំនិងការលូតលាស់របស់ទារកនៅពេលដែលអ្នកបំបៅដោះកូន៕

សូមទស្សនាវីដេអូខាងក្រោម: