សាលារៀនវ៉េស្ទឡាញន៍ ខេត្តបាត់ដំបង សាខាចំការសំរោង ផ្តល់អាហារូបករណ៍៣០០កន្លែង តាមរយៈការប្រឡងគណិតវិទ្យា “Caribou”

យោងតាមសេចក្តីជូនដំណឹងរបស់សាលារៀនវ៉េស្ទឡាញន៍ ខេត្តបាត់ដំបង បានឱ្យដឹងថា សាលារៀនបានប្រកាសផ្តល់អាហារូបករណ៍៣០០កន្លែងសម្រាប់សិស្សកម្មវិធីចំណេះទូទៅខ្មែរពីថ្នាក់ទី២ ដល់ទី១២ តាមរយៈការប្រឡងគណិតវិទ្យា “Caribou” លើកទី២។

វិថ្ឆិកា 2, 2021 11:38 1935

សាលារៀនវ៉េស្ទឡាញន៍ ខេត្តបាត់ដំបង សាខាចំការសំរោង ផ្តល់អាហារូបករណ៍៣០០កន្លែង តាមរយៈការប្រឡងគណិតវិទ្យា “Caribou”

ការប្រឡងគណិតវិទ្យា “Caribou” នឹងធ្វើឡើងរយៈពេល២ថ្ងៃ គឺថ្ងៃទី១០ និង១១ ខែវិច្ឆិកា ឆ្នាំ២០២១ ខាងមុខនេះ តាមប្រព័ន្ធអនឡាញ (Zoom Conference)។ ទន្ទឹមនឹងនេះ សិស្សមកពីគ្រឹះស្ថានសិក្សាសាធារណៈ និងឯកជននានា អាចយកពាក្យប្រឡងនៅសាលារៀនវ៉េស្ទឡាញន៍ ខេត្តបាត់ដំបង សាខាចំការសំរោង ចាប់ពីថ្ងៃផ្សាយដំណឹងនេះ រហូតដល់ថ្ងៃទី៨ ខែវិច្ឆិកា ឆ្នាំ២០២១ វេលាម៉ោង៥ល្ងាច។

ចំពោះអាហារូបករណ៍នឹងផ្តល់ជូនសម្រាប់សិស្សកម្មវិធីចំណេះទូទៅខ្មែរ ពីថ្នាក់ទី២ ដល់ទី១២ ដែលចំណាត់ថ្នាក់លេខ១ ទទួលបានអាហារូបករណ៍១០០% ចំនួន២២កន្លែង ចំណាត់ថ្នាក់លេខ២ ទទួលបានអាហារូបករណ៍៥០% ចំនួន៥៥កន្លែង ចំណាត់ថ្នាក់លេខ៣ ទទួលបានអាហារូបករណ៍៤០% ចំនួន១១០កន្លែង ចំណាត់ថ្នាក់លេខ៤និងលេខ៥ ទទួលបានអាហារូបករណ៍៣០% ចំនួន១១០កន្លែង។

សូមជម្រាបថា ការប្រឡងអាហារូបករណ៍ផ្នែកគណិតវិទ្យា “Caribou” គឺទទួលបានការឧបត្ថម្ភពី CARIBUO CONTEST ដែលជាស្ថាប័នផ្តល់ការបង្រៀន ធនធានសិក្សា និងការប្រឡងគណិតវិទ្យាតាមប្រព័ន្ធអនឡាញលំដាប់ពិភពលោក៕

សូមចុច join Telegram https://t.me/cngtvcambodia