CNGTV | កម្មវិធី មាតាឆ្លាតវៃ Ep.48 ប្រធានបទ៖កុមារទល់លាមក

ជំងឺទល់លាមក ជាជំងឺមួយដែលមានន័យថាពិបាកជុះ ក្នុងមួយសប្តាហ៍ការបន្ទោបង់មានតិចជាងបីដង ហើយជួនកាលក្មេងជុះរាល់ថ្ងៃដែរតែលាមកនោះរឹង ស្ងួត និងពិបាកជុះខ្លាំងជាងធម្មតា។

មករា 18, 2023 02:49 456

CNGTV | កម្មវិធី មាតាឆ្លាតវៃ Ep.48 ប្រធានបទ៖កុមារទល់លាមក

មូលហេតុដែលធ្វើឲ្យមានការទល់លាមក គឺមានច្រើនចំណុច

ពោះវៀន ជាពិសេសពោះវៀនធំ ចលនារបស់ពោះវៀនខ្សោយ ដោយការញុំាអាហារអត់សូវសំបូរជាតិសរសៃ
ការប្រើប្រាស់ថ្នាំច្រើន
កើតមកមានជំងឺពីកំណើត
ខ្វះអ័រម៉ូនទីរ៉ូអ៊ីត
បាត់បង់សារធាតុប៉ូតាស្យ៉ូម

រោគសញ្ញា

ក្មេងបន្ទោបង់តិចជាង៣ដងក្នុងមួយសប្តាហ៍
ហើមពោះ ចុកពោះ
ក្មេងខ្លះទល់រហូតញុំាអ្វីមិនបាន
ជុះមកអាចមានឈាមដោយសារលាមករឹង
យំ ឬស្រែកអត់បាត់
អត់ចង់បៅទឹកដោះ ឬទឹកដោះគោ

ការព្យាបាល

ការព្យាបាលគឺអាស្រ័យទៅតាមមូលហេតុនិងរោគសញ្ញាណាមួយ ក្នុងករណីមានបញ្ហាទល់លាមកដោយសារខ្វះជាតិប៉ូតាស្យូម គឺត្រូវបំពេញជាតិប៉ូតាស្យូមឡើងវិញដើម្បីធ្វើអោយពោះវៀនក្មេងដំណើរការធម្មតាឡើងវិញ ក៏ប៉ុន្តែនៅពេលប្រើវិធីសាស្រ្តទាំងអស់នេះហើយនៅតែមិនមានប្រសិទ្ធភាពទៀត អាណាព្យាបាលគួរតែយកកូនមកមន្ទីរពេទ្យដើម្បីពិគ្រោះជាមួយគ្រូពេទ្យជាបន្ទាន់។

អាណាព្យាបាលគួរតែជៀសវាងឲ្យកូនបរិភោគអាហារប្រភេទនេះ មានដូចជា សាច់ច្រើន អាហារបំពងខ្លាញ់ មិនសូវមានជាតិទឹកគឺងាយធ្វើអោយកុមារនោះប្រឈមមុខនឹងការទល់លាមកផងដែរ។

ដូច្នេះអាណាព្យាបាលគួរឲ្យកូន ញុំាអាហារសំបូរជាតិសរសៃដែលមាននៅក្នុងបន្លែ ផ្លែឈើ ជាពិសេសចេក ដំឡូង ឬល្ហុងទុំ គ្រាប់ធញ្ញជាតិ ញុំាទឹកឲ្យសមស្របតាមបរិមាណជាប្រចាំថ្ងៃ គេងឲ្យបានគ្រប់គ្រាន់ ចៀសវាងប្រើថ្នាំ ឬអាហារបំប៉នផ្សេងៗ និងប្រឹក្សាជាមួយគ្រូពេទ្យពីបញ្ហាផ្សេងៗរបស់កូន ។