កម្មវិធី Telegram បន្ថែមមុនងារ video call ថ្មីទៀតហើយ

នាយកដ្ឋានព័ត៌មានវិទ្យា ៖ កម្មវិធីទំនាក់ទំនងសង្គម Telegram ដែលកំពុងតែមានប្រជាប្រិយភាពបំផុតនៅកម្ពុជា និងមានអ្នកប្រើប្រាស់ច្រើនជាង 400 លានអ្នក ជាប់លំដាប់ថ្នាក់លេខ១០ ក្នុងពិភពលោក បានដាក់ដំណើរការនូវមុខងារថ្មីមួយទៀតជាកាដូកម្រប់ខួប៧ ឆ្នាំរបស់ខ្លូនសម្រាប់អ្នកប្រើប្រាស់គឺមុខងារជជែកជាមួយដៃគូជាវីដេអូ (video call )។ មុខងារ Video Call របស់Telegram នេះមានចំនុចសំខាន់ៗមួយចំនួនដូចខាងក្រោម៖

សីហា 24, 2020 05:11 1615

កម្មវិធី Telegram បន្ថែមមុនងារ video call ថ្មីទៀតហើយ

១. អនុញ្ញាតអោយអ្នកប្រើប្រាស់អាចបិទ ឬបើកវីដេអូបានក្នុងអំឡុងពេលកំពុងសន្ទនាគ្នា (switch video on or off during voice calls)

២. អនុញ្ញាតអោយអ្នកប្រើប្រាស់អាចប្រើប្រាស់មុខងារផ្សេងទៀតបានជាមួយអ្នកដទៃ ក្នុងអំឡុងពេលកំពុងតែធ្វើការជជែក Video Call ជាមួយដៃគូ (picture in picture ) ដោយរក្សាទំហំវីដេអូតូចជាងមុននៅលើផ្ទាំងកម្មវិធីTelegram របស់អ្នក។

អ្វីដែលកាន់តែពិសេសបណ្តាញទំនាក់ទំនងមួយនេះបានបញ្ជាក់ពីសុវត្ថិភាពនៃមុខងារនេះ ដោយប្រើប្រាស់មុខងារ end-to-end encryption ។ ដើម្បីបញ្ជាក់ថាការជជែករបស់អ្នកមានសុវត្ថិភាព អ្នកអាចធ្វើការផ្ទៀងផ្ទាត់ដោយប្រើប្រាស់រូបភាពសញ្ញាចំនួន៤ (four emoji ) រវាងអេក្រង់របស់អ្នកនឹងដៃគូ (បើសិនជាមានរូបភាពសញ្ញាបង្ហាញដូចគ្នានោះមានន័យថាការជជែករបស់អ្នកមានសុវត្ថិភាព១០០%)។

តែទោះបីជាយ៉ាងណា នាយកដ្ឋានព័ត៌មានវិទ្យា សូមធ្វើការរំលឹកសារជាថ្មីជូនអ្នកប្រើប្រាស់ទាំងអស់ថា៖

រាល់បច្ចេកវិទ្យាតែងតែផ្តល់ផលប្រយោជន៍និងគ្រោះថ្នាក់ជានិច្ចប្រសិនបើយើងគ្មានការប្រុងប្រយ័ត្ន ឬប្រើប្រាស់ខុសគោលដៅ៕